| Ég heiti Anja Björk |
|
|
Um mig:
Ég átti að fæðast 6.október en ákvað að flýta mér aðeins í heiminn og fæddist laugardaginn 6.september 2003 kl.17:01. Ég var 2720gr og 48cm og með mikið skollitað hár og dökkgráblá augu. Ég flýtti mér samt ekki meira en það í heiminn að ég lét mömmu og pabba bíða eftir mér í þrjá heila daga, en mamma missti vatnið á miðvikudeginum 3.september og var lögð inná meðgöngudeild og svo átti að setja hana af stað á laugardeginum en þá var ég bara sjálf búin að ákveða að fara að kíkja út. Nú er ég orðin þriggja ára og er algjör grallari ;) er mjög ákveðin ung stúlka og á sko ekki erfitt með að skipa öðrum fyrir hehe :) Ég er á leikskóla í Sandgerði sem heitir Sólborg og deildin mín heitir Höfrungadeild og mér finnst alveg æðislegt að vera þar, langskemmtilegast finnst mér þó að vera úti að moka, þegar heim er komið þá er ég oft ekki lengi að biðja mömmu um að setja bangsímon eða Kalla á þakinu í tækið og hlusta líka oft á geisladiskinn með Kalla og syng og dans með :) stundum fer ég þó út í sandkassan og moka í föturnar mínar og bý til "kökur", heima hjá ömmu og afa á ég líka stærri sandkassa (bílaplanið) og þegar amma er að passa mig þá eyði ég oft miklum tíma þar eða inni í stofu að hlusta á Kalla :) ég bý með mömmu minni í fínu íbúðinni okkar í Sandgerði:) Mamma mín heitir Svanhildur Una (´84) og pabbi minn heitir Bjarni Kristján (´78) Nafnið mitt: Nafn þetta er rússnesk smækkunarmynd nafnsins "Anna" sem merkir náð. Nafn þetta er leitt af trjáheitinu björk |
|
|
|
Annað:http://anjabjork.barnaland.is/album/288688/img/20060105103113_1.jpg
Fyrstu orðin:
hæ mamma pabbi sjáðu 
HVAÐ LÍFIÐ MERKIR... Engin getur með nokkru móti vitað hvað lífið merkir hvað heimurinn merkir... hvað nokkuð merkir fyrr en hann hefur eignast barn og unnað því. Og þá breytist gjörvallur heimurinn og ekkert verður nokkru sinni eins og áður. 
Mamma er Konan Sem kemur manni í heiminn með mikilli fyrirhöfn fæðir mann og klæðir og veitir alla þá hlýju og ástúð sem lítið barn þarf á að halda. Mamma er alltaf til staðar með útrétta hjálparhönd þegar á þarf að halda. Þerrar tárin þegar það er leiðinlegt og gleðst með manni þegar það er gaman að vera til. Mamma er besta kona í heimi. 
Pabbi er Maðurinn Sem verður svo montinn þegar maður fæðist að það mætti halda það hafi ekki fæðst barn áður en það tekur hann bara nokkra daga að komast niður á jörðina aftur. Honum finnst skrítið að lítið barn skuli ekki getað sofið alla nóttina og kúkað í klósett eins og annað fólk. Samt veit hann allt !! Svo þegar maður verður aðeins eldri og þá er hægt að fara að leika við mann og kenna manni ýmislegt þá finnst honum rosa gaman. Pabbi er alltaf til staðar með styrka hönd þegar á þarf að halda. Pabbi er besti maður í heimi.
MEYJAN 23. ágúst - 22. september Hér er kominn einstaklingur sem vill hafa hlutina í röð og reglu og er mjög íhaldssamur. Litla meyjan er að öllu jöfnu auðveld í umgengni, samviskusöm, dugleg og hlýðin en oft á tíðum alvörugefin. Skynsemi meyjarinnar kemur yfirleitt fljótt í ljós og ef kæruleysi er ríkjandi í kringum hana er ekki ólíklegt að hún fari að siða fólk til í kringum sig og hafa vit fyrir því. Hún byrjar snemma að hjálpa til á heimilinu og er oft mjög handlagin. Hún er yfirleitt ekki mikið gefin fyrir að draga athyglina að sér og lítil meyjubörn geta oft haft ofan af fyrir sér sjálf í langan tíma. Foreldrar þurfa að draga fram hið jákvæða því litlar meyjur hafa oft áhyggjur af því að hlutirnir séu ekki nægilega vel gerðir. Því þarf að hjálpa þeim að sjá bjartari hliðar tilverunnar og læra að trúa á eigin getu. Ekki er verra að ýta undir skopskyn þeirra. PERSÓNULEIKATRÉ 
Grátvíðir - Depurð 01.03-10.03 & 03.09-12.09 Hér er á ferðinni falleg en oft á tíðum döpur manneskja. Hún er aðlaðandi og mjög skilningsrík, hrífst af fegurð og smekkvísi, og býr yfir góðu innsæi. Manneskjan nýtur þess að ferðast, er dreymin en eirðarlaus, og er frekar duttlungafull þótt hún sé heiðarleg. 
og muna að skrifa í gestabókina það er so gaman að lesa |
| Þú ert gestur nr. 38305 |